China siku ya Alhamisi ilikosoa uidhinishaji wa mswada wa Marekani ambao utapiga marufuku TikTok isipokuwa itakata uhusiano na kampuni mama yake ya Uchina, ikikashifu mawazo ya Washington ya “Kijambazi” na kuapa Beijing “itachukua hatua zote muhimu” kulinda masilahi ya kampuni zake nje ya nchi.
Programu hiyo ya video fupi imeongezeka kwa umaarufu duniani kote lakini umiliki wake na kampuni kubwa ya teknolojia ya Uchina ya ByteDance na madai ya utiifu kwa Chama tawala cha Kikomunisti cha Beijing kumezua wasiwasi katika miji mikuu ya Magharibi.
Siku ya Jumatano, Baraza la Wawakilishi la Marekani liliidhinisha kwa wingi mswada ambao ungelazimisha TikTok kuachana na kampuni yake kuu au kupigwa marufuku nchi nzima.
Mswada huo bado haujapitishwa katika Seneti, ambapo inatarajiwa kukabiliwa na mtihani mgumu zaidi ili kuwa sheria.
“Marekani inapaswa kweli kuheshimu kanuni za uchumi wa soko na ushindani wa haki (na) kuacha kukandamiza isivyo haki makampuni ya kigeni,” msemaji wa wizara ya biashara ya Beijing He Yadong alisema katika mkutano na waandishi wa habari Alhamisi mchana.
