Ni Mwimbaji na Mtumbuizaji wa Marioo, Isaya Michael Mtambo a.k.a Chino Kidd ambae leo Agosti 11, 2023 anatarajia kudondosha party ya nguvu katika chimbo la Elements Masaki jijini la Dar es Salaam.
Party hiyo itaambatana na kutambulisha rasmi meneja wake mpya aitwae Esilovey ambae siku kadhaa zilipita aliwahi kuwa meneja wa Alikiba.
Chino Kidd akizungumza na millardayo.com alisema..‘Kwanza nimshukuru Mungu kwa pumzi hii pili mashabiki kwani ndani ya Mwaka mmoja na nusu leo hii jina langu limekuwa kubwa na shows ni nyingi kiukweli nawashukuru sana’
‘Na katika ukuaji wangu huu japo nina meneja wangu aitwae Sweda niliona pia niongeze nguvu nyingine kwa upande wa International ambapo tutakuwa na dada yetu, madam Esilovey ambae ni mzoefu na mkarimu hivyo nae ni Meneja wangu kwasasa na leo Ijumaa 11 Agosti, 2023 tutaangusha party pale Elements la kumtambulisha rasmi kwenye Familia hii ya Wanna Man’
‘Esilovly ni meneja ambae awali alikuwa kwa Alikiba baadae akaingia katika shughuli zake binafsi ndipo mimi nikaamua kumtafuta na kuongea nae kwahiyo ninaamini katika safari yangu hii ya muziki nipo kwenye mikono salama hususani zile collabo za nje ya nchi, nawakaribisha wadau wote leo kinawaka Elements Masaki usikose Wanna Man wote, nyimbo zote tutaziimba na kumtambulisha rasmi Madam wetu Esilovey’- Chino Kidd
‘Hivyo endapo unahitaji uwepo wangu basi Ukimpata Esilovey ama Sweda basi utakuwa umenipata mimi Chino Kidd, asanteni na karibuni’- Chino Kidd
