Kama ambavyo nchini Uingereza kunachezwa michezo kadhaa ya Capital One kati kati ya wiki hii, nchini Hispania kuna mchezo mmoja umepigwa wa Copa del Rey ukizikutanisha timu za Villanovense dhidi ya FC Barcelona, mchezo ambao umepigwa katika dimba la Romero Cuerda usiku wa October 28.
Michuano hiyo ya Kombe la Copa del Rey round ya nne iliendelea kwa klabu hizo mbili kukikpiga, kwa upande wa FC Barcelona ambao ni timu yenye historia nzuri kuliko Villanovense katika michuano hiyo, iliamua kupumzisha majina ya wachezaji wake nyota na kuwachezesha wachezaji ambao mara nyingi wamekuwa hawapati nafasi ya kucheza katika kikosi cha kwanza.
Klabu ya FC Barcelona ambayo ilikuwa inapewa nafasi kubwa ya kushinda mchezo huo ukilinganisha na timu pinzani ya Villanovense ambayo inashiriki Ligi daraja la tatu, wameshindwa kupata matokeo mazuri na kuambulia sare ya kutofungana. Hadi dakika 90 zinamalizika FC Barcelona 0-0 Villanovense.
Video ya sehemu ya mchezo huo
https://youtu.be/-5g-M7aOsgo
