Kampuni maarufu ya Mdundo inayojishughulisha na huduma za muziki mtandaoni kwenye bara la Afrika imemtangaza Mtanzania Dj Dully kuwa Mshindi wa shindano la Ma’-DJ (Mdundo Dj Battle) kwa mwaka 2021 ambapo pamoja na ushindi huo DJ huyo amepokea kitita cha shilingi milioni saba (700,000) kutokana na ushindi wake.
Pamoja na Dj Dully kujishindi shilingi milioni saba saba, amepewa pia muda kwenye Kituo kimoja cha Radio ambako atakuwa akisikika huko na kuonesha uwezo wake live ambapo pamoja na skillz zake nyingine kwenye mashine atacheza pia DJ Mix iliyompa ushindi huu kwenye shindano ambalo lilikua na Washiriki zaidi ya 200.
Shindano hili ni jukwaa maalum kwa Ma-DJ kutoka Tanzania kuonesha vipaji vyao kwa Watumiaji zaidi ya milioni 10 wa mdundo ambapo hadi sasa mdundo unafanya kazi na Wasanii zaidi ya 100,000 Afrika ikiwemo wa Tanzania huku ikiwa ni platform iliyojipatia Watumiaji maalum milioni 4.1 katika robo ya mwaka.
