Ligi kuu ya Uingereza imeendelea tena jioni ya leo baada ya kusimama kwa wiki moja.
Pazia la mechi za leo limefunguliwa na mchezo wa Sunderland ambao waliikaribisha Liverpool kwenye dimba la Stadium of Lights.
Mchezo huo uliomalizika hivi punde umeisha kwa klabu ya Liverpool kupata ushindi wa taabu wa 1-0 dhidi ya vijana wa Guus Poyet.
Goli la dakika za mwanzoni kabisa Lazar Markovic limeipa ushindi muhimu Liverpool ambao wamekuwa na matokeo yasiyokufurahisha katika raundi ya kwanza ya msimu huu.
Ushindi huo umeipeleka Liverpool mpaka nafasi ya 9 Kwenye msimamo wa ligi baada ta kucheza mechi 21 na kupata pointi 32.
