Ligi kuu ya England imeendelea tena leo kwa michezo miwili kupigwa mchana – Tottenham waliikaribisha Liverpool huku Aston Villa wakiumana na Hull City.
Matokeo ya mchezo wa Aston Villa na Hull City ni ushindi wa 2-1 kwa Villa.
Kutoka White Hart Lane, Mario Balotelli alianza kuichezea rasmi klabu yake mpya ya liverpool kwenye mchezo dhidi ya Spurs.
Spurs ambao walikuwa hawajapoteza mchezo kwenye EPL tangu ligi ilipoanza leo wamepokea kichapo cha magoli 3-0 kwa Liver.
Magoli ya Raheem Sterling, Albert Moreno na Steven Gerrard yalitosha kuwapa Liverpool ushindi mzuri baada ya kufungwa na Man City jumatatu iliyopita.
