Klabu ya Real Madrid usiku wa jana ilimaliza kampeni yake ya ligi ya mabingwa wa ulaya hatua ya makundi kwa ushindi mnene dhidi ya Ludogorets ya Bulgaria katika mchezo uliopigwa kwenye dimba la Santiago Bernabeu.
Cristiano Ronaldo alivunja rekodi ya magoli ya gwiji wa timu hiyo Raul Gonzalez kwa kutimiza magoli 72 kwenye michuano ya ulaya baada ya kufunga goli moja jana huku Gareth Bale, Arbeloa na Alvaro wakifunga magoli mengine.
Kwa ushindi huo Real Madrid imemaliza ikiwa kiongozi wa kundi lake kwa kujikusanyia pointi 18 – pia wameweka rekodi mpya katika soka la Spain kwa kushinda mechi 19 mfululizo.
