Frateri wa Shirika la Wamisionari wa Afrika (White Fathers), Mtanzania Melkiori Mahinini (27) ambaye alitekwa nyara nchini Nigeria Aug 03,2023 akiwa na mwenzake Raia wa Mali, Padri Paul Sanogo, amerejea Nchini Tanzania baada ya kuachiwa huru baada ya kushikiliwa na Watekaji hao kwa siku 21.
Mahinini ameiambia @AyoTV_ kupitia Mahojiano na Mwandishi Bakari Chijumba kuwa baada ya kuwaona Watekaji alivaa helmet na kujirusha kutoka ghorofa ya pili na kukimbilia kujificha bustanini lakini kwa bahati mbaya Watekaji wengine walikuwa pale na kumkamta yeye na mwenzake na kuwatembeza kwa miguu kwa saa saba kwa miguu hadi msituni.
