Mwimbaji aliyeshinda tuzo ya Grammy, Damini Ogulu, almaarufu Burna Boy, amejitosa katika tasnia ya filamu za Nollywood na anatazamiwa kuanza kucheza kama mtayarishaji mkuu katika filamu ijayo ya Black Mic Mac ya ‘3 Cold Dishes.’
Burna Boy ametayarisha filamu hiyo kupitia kampuni ya Spaceship Films, ambayo imeanzishwa na Bose Ogulu,pamoja na mama yake.
‘3 Cold Dishes’ ni hadithi iliyowekwa na kuigizwa kwa kuangazia Nigeria, Jamhuri ya Benin, na Côte d’Ivoire.
“Filamu hii ni uthibitisho wa nguvu na uimara wa wahusika wake, na ilituchukua damu na jasho hadi kufikia hatua hii,” mkurugenzi, Asurf Oluseyi alisema katika mahojiano na Variety.
Filamu hiyo inajivunia kuwa na waigizaji nyota kama vile Osas Ighodaro, Femi Jacobs, Wale Ojo, Ruby Akubueze, Brutus Richards pamoja na baadhi ya waigizaji wa Ivory Coast na Senegal.
