Tatizo la kukithiri kwa msongamano wa magari na kukaa kwa muda mrefu kwenye foleni kwa siku nzima, Makondakta wa mabasi nchini Thailand wametafuta suluhisho binafsi pale wanapohitaji kujisaidia wakiwa barabarani kwa kuvaa nepi za watu wazima.
Kutokana na kukithiri kwa msongamano barabarani, makondakta hao wa mabasi makubwa katika mji mkuu wa Bangkok wanatumia muda mrefu barabarani kwenye foleni hali inayowafanya kubanwa haja na kuwalazimu kusubiri hadi kwenye vituo kwenda kujisaidia katika vyoo vya pembezoni.
Mmoja wa wafanyakazi hao amesema wamekuwa wakipata matatizo katika njia za mkojo kutokana na kukaa na haja kwa muda mrefu hivyo huwalazimu kuvaa nepi za watu wazima wanazobadilisha mara mbili kwa siku wanapofika kwenye vituo vikubwa vya mabasi.
Ungependa stori kama hizi zisikupite? niko tayari kukutumia wakati wowote iwapo utajiunga na mimi kwa kubonyeza >>> Twitter Instagram facebook na kupata pichaz, video, stori na mengine yote ya hii dunia.
