Baada ya kuchezwa michezo mitatu ya awali ya Ligi Kuu Tanzania msimu wa 2018/2019 leo Jumapili ya September 23, usiku wake Yanga walicheza nao dhidi ya Singida United uwanja wa Taifa Dar es Salaam.
Yanga leo kwa mara ya nne mfululizo wanapata ushindi wao wa nne Ligi Kuu msimu wa 2018/2019, baada ya leo kuifunga Singida United kwa magoli 2-0, mshambauliaji wao Amissi Tambwe amerudi katika ubora wake.
Amissi Tambwe baada ya kuandamwa na majeruhi muda mrefu, leo amerudi na kuifungia Yanga magoli yote mawili ya ushindi dakika ya 29 na dakika za nyongeza kabla ya kipindi cha kwanza kumalizika.
Ushindi huo sasa unaifanya Yanga kuongoza Ligi kwa kuwa na jumla ya point 12 ilizovuna katika michezo yake minne ya Ligi Kuu, hivyo Yanga anaongoza Ligi akiwa na kiporo cha mchezo mmoja mkononi huku akifuatiwa na Azam FC aliyepo nafasi ya pili akiwa na point 11 akicheza game 5.
EXCLUSIVE: Licha ya kuwa na pesa na ustaa, hii ndio Sababu inayomfanya Samatta asiringe
