Mahakama ya Hakimu Mkazi Kisutu leo August 25, 2017 imeutaka upande wa mashtaka kukamilisha upelelezi wa kesi ya uhujumu uchumi inayomkabili Mfanyabiashara Yusuf Manji ili matokeo ya kesi hiyo yajulikane mapema.
Rai hiyo imetolewa na Hakimu Mkazi Mkuu, Thomas Simba baada ya Wakili wa Serikali, Wankyo Simon kueleza upelelezi wa kesi hiyo haujakamilika na wataeleza hatua ulipofikia katika tarehe itakayopangwa tena.
Baada ya kueleza hayo, Hakimu Simba aliutaka upande wa mashtaka kuhakikisha wanajitahidi kukamilisha upelelezi ili matokeo yake yajulikane mapema ambapo aliahirisha kesi hiyo hadi August 31, 2017.
Mbali ya Manji washtakiwa wengine ni Deogratius Kisinda, Abdallah Sangey na Thobias Fwere ambao wanakabiliwa na mashtaka saba chini ya sheria ya Uhujumu Uchumi na Usalama wa Taifa kwa kukutwa na vitambaa vinavyotengeneza sare za Jeshi la Wananchi wa Tanzania vyenye thamani ya zaidi ya Tsh Milioni 200 na mihuri.
ULIPITWA? Mashahidi waeleza Mahakamani Manji alivyopimwa Mkojo…tazama kwenye hii video!!
Tazama kwa kuplay video hii kuona jinsi Manji alivyomkataa Wakili Kibatala kusimamia kesi yake!!!
