DC Gairo ndugu Jabiri Makame amegawa vishikwambi zaidi ya 700 kwa walimu wote wa Shule za Msingi na Sekondari Wilaya ya Gairo ili kuwasaidia katika utendaji wao wa kazi. Vishikwambi hivyo vimetolewa na Serikali ikiwa ni Utekelezaji wa Maagizo ya Rais wa Tanzania Mhe. Dkt. Samia Suluhu Hassan.
Wilaya ya Gairo pia mwaka huu 2022 imetekeleza miradi katika Sekta mbalimbali yenye thamani ya zaidi Bilioni 21, ikiwemo Ujenzi wa madarasa 22 ya Shule za Sekondari yaliyogharimu shilingi Milioni 440 ikiwa ni Maandalizi ya Kupokea wanafunzi wa Kidato cha kwanza mwaka 2023.
DC Makame amemshukuru Rais wa Tanzania Mhe. Samia Suluhu Hassan na kutoa Wito kwa wananchi kutimiza wajibu wao kuhakikisha kwamba watoto wote waliofaulu kujiunga na Kidato cha kwanza wapatao 3060 na wale waliotimiza umri wa kujiunga na Darasa la awali na Darasa la kwanza mwaka 2023 kupelekwa shule mara zitakapofunguliwa.
