Ghana imeanzisha kipimo kipya ambacho kitatoza ushuru wa 10% kwa ushindi wa kamari na bahati nasibu, kuanzia Jumanne.
Mamlaka ya Mapato ya Ghana (GRA) imebainisha kuwa ushuru huu wa zuio utakatwa kiotomatiki wakati wa malipo ya kamari, michezo na ushindi wote wa bahati nasibu.
Katika hali ambapo mchezo umeghairiwa na dau la awali la mchezaji kurejeshewa pesa, au ikiwa kiasi cha malipo ni sawa na au chini ya kiasi kilichowekwa, kodi ya zuio haitatumika.
Ili kuwezesha ufuatiliaji kwa urahisi na mamlaka ya mapato, waendeshaji bahati nasibu wanatakiwa kusasisha programu zao ili kuonyesha maelezo ya kiasi kilichowekwa, ushindi na kodi iliyozuiwa wakati wa malipo.
Edward Gyambrah, Kamishna wa GRA, alisisitiza kuwa utekelezaji huu wa kodi unatarajiwa kuimarisha uhamasishaji wa mapato ya ndani ya kodi, akitoa mfano wa uwiano wa chini wa kodi kwa Pato la Taifa wa Ghana katika kanda ndogo.
Hata hivyo, mpango huo mpya wa kodi umekabiliwa na ukosoaji kutoka kwa kizazi kipya nchini Ghana, ambao wanahoji kuwa kamari na ushindi wa bahati nasibu mara nyingi hutumika kama vyanzo mbadala vya mapato kwa wasio na ajira.
Katika onyo kali, mamlaka za mapato zimedokeza kuwa kutofuata kanuni mpya kutasababisha kuondolewa kwa leseni kwa kampuni za kamari za michezo, waendeshaji bahati nasibu, kasino, waendeshaji mashine za kamari na wakuzaji masoko.
