Ousmane Dembele ameripotiwa kukubali kujiunga na PSG msimu huu huku mkataba wa fowadi huyo wa Ufaransa na Barcelona ukitajwa kuendelea hadi 2024 na PSG wamekuwa wakitaka kupata huduma yake kwa muda mrefu.
PSG wanahitaji wachezaji washambuliaji kwenye kikosi chao baada ya nafasi ya Kylian Mbappe kutofahamika, huku mshindi wa Kombe la Dunia akitolewa kwenye kikosi cha maandalizi ya msimu mpya.
Vigogo hao wa Ligue 1 wamekuwa wakimsaka mchezaji huyo kwa kwa muda sasa.
Ripoti za awali zilieleza kuwa PSG ilikuwa tayari kuweka kipengele cha malipo ya Dembele cha dola milioni 55 ili kuendelea na uhamisho huo, na ilikuwa juu ya mchezaji huyo kusema ndiyo au hapana.
Kifungu cha kutolewa kitaongezeka maradufu hadi dola milioni 110 baada ya Julai 31, wakati mkataba wa Dembele na Barcelona utaendelea hadi Juni 2024.
Winga huyo mahiri hivi majuzi aliifungia Barcelona bao la kwanza wakati wa ushindi wao wa mabao 3-0 kabla ya msimu mpya dhidi ya wapinzani wao wa milele Real Madrid, uliofanyika kwenye Uwanja wa AT&T mjini Arlington, Texas, jana usiku ikiwa ni sehemu ya ziara yao ya Marekani.
