Hamas iliapa, Jumatano, kwamba haitamwachilia mateka yeyote wa Israel katika kifungo chake hadi matakwa yake yatimizwe, Shirika la Anadolu linaripoti.
Hamas inataka kusitishwa kwa mashambulizi makali ya Israel kwenye Ukanda wa Gaza na kuondolewa kwa majeshi ya Israel kutoka eneo hilo kwa ajili ya makubaliano yoyote ya kubadilishana wafungwa na Tel Aviv.
“Hamas haitamwachilia mateka yeyote wa Israel hadi malengo yake yote yatimie,” mkuu wa zamani wa kundi hilo, Khaled Meshaal, aliambia tukio huko Jordan kama ilivyonukuliwa na taarifa ya Hamas.
Alisema kundi la Resistance linataka mashambulizi mabaya ya Israel yakomeshwe na majeshi ya Israel yaondoke Gaza.
“Pia tunataka kurejeshwa kwa watu waliohamishwa kwenye makazi yao na kupewa misaada yote muhimu na makazi, kujengwa upya kwa eneo hilo, na kukomesha kuzingirwa,” Meshaal aliongeza.
Qatar, Misri na Marekani zinapatanisha kati ya Hamas na Israel kufikia makubaliano ya kusitisha mapigano Gaza na kubadilishana mateka kati ya pande hizo mbili.
