Hezbollah inasema haijapokea mapendekezo yoyote ya kusitisha mapigano licha ya Waziri wa Mambo ya Nje wa Israel kusema kuna “maendeleo” yaliyofanywa.
“Hadi sasa, kwa mujibu wa taarifa zangu, hakuna afisa yeyote aliyefika Lebanon au sisi kuhusiana na suala hili,” mkuu wa ofisi ya vyombo vya habari ya Hezbollah, Mohammad Afif, alisema katika mkutano na wanahabari katika vitongoji vya kusini mwa Beirut.
“Ninaamini kwamba bado tuko katika hatua ya kupima maji na kuwasilisha mawazo ya awali na majadiliano ya kina, lakini hadi sasa hakuna kitu halisi,” aliongeza.
Tuliripoti hapo awali kwamba Waziri wa Mambo ya Nje wa Israel Gideon Saar alisema maendeleo yamepatikana katika mazungumzo ya kusitisha mapigano ya Lebanon lakini utekelezaji huo ulisalia kuwa muhimu.
Vyombo vya habari vya Israel viliripoti siku ya Jumapili kwamba maendeleo makubwa yamepatikana katika mazungumzo ya kidiplomasia kuhusu pendekezo la usitishaji mapigano Lebanon ambao ungehitaji Hezbollah kuondoka kaskazini mwa Mto Litani. Ripoti hizo zilisema Hezbollah itamaliza uwepo wake wa kijeshi karibu na mpaka wa Israel, huku jeshi la Israel likirejea kwenye mpaka wa kimataifa.
