Leo April 19, 2018 Rais wa Marekani Donald Trump amesema, iwapo mazungumzo kati yake na kiongozi wa Korea Kaskazini, hayataonekana kuzaa matunda atajiondoa.
Trump amesema kumekuwa na shinikizo za kutosha kuhakikisha kuwa Korea Kaskazini inaachana na mradi wake wa nyuklia.
Trump pia amethibitisha kuwa aliyekuwa Mkurugenzi wa CIA, Mike Pompeo, alikutana kwa siri na kiongozi wa Korea Kaskazini Kim Jong Un.
Rais Trump amesema katika mkutano wa pamoja kwamba iwapo anadhani kwamba mkutano huo hautafanikiwa basi hatoshiriki na kwamba iwapo mkutano huo umefanyika na haoni matunda yake basi atasimama na kuondoka.
Trump na Kim Jong Un wanatarajiwa kukutana ana kwa ana hivi karibuni.
