Michezo ya marudiano ya michuano ya Ligi ya Mabingwa Ulaya ilichezwa usiku wa March 6 barani Ulaya kwa michezo miwili kupigwa, Paris Saint Germain ya Ufaransa wao walikuwa wenyeji wa Real Madrid ya Hispania wakati Liverpool walikuwa wenyeji wa FC Porto ya Ureno katika uwanja wa Anfield.
Mchezo kati ya Paris Saint Germain dhidi ya Real Madrid licha ya kukosekana kwa staa wa PSG Neymar, mvuto na msisimko wa mchezo huo haukukosekana, Real Madrid wakiongozwa na staa wao Cristiano Ronaldo wamefanikiwa kufuzu hatua ya robo fainali kwa kupata ushindi wa magoli 2-1, magoli ya Real Madrid yakifungwa na Cristiano Ronaldo dakika ya 51, Casemiro dakika ya 80 wakati goli la PSG lilifungwa na Edinson Cavani dakika ya 71.
Ushindi huo unaipeleka Real Madrid robo fainali baada ya kufuzu kwa jumla ya aggregate ya magoli 5-2, pia kipigo cha PSG cha leo katika uwanja wao wa Parc des Princes kinavunja rekodi ya PSG ya kutopoteza katika uwanja huo kwa michezo 51, wakati goli la leo la Ronaldo linamfanya kuzidi kukaa kileleni mwa wafungaji bora wa muda wote wa Ligi ya Mabingwa Ulaya kwa kufikisha jumla ya magoli 120.
VideoMAGOLI: Magoli ya Township Rollers vs Yanga yaliothibitisha ubora wa Township
https://youtu.be/KdE_5qMXfEE
