Club ya Watford pamoja na kuwa nafasi ya 11 katika msimamo wa Ligi Kuu England msimu wa 2017/2018 lakini imeendeleza rekodi yake nzuri ikicheza na vigogo katika uwanja wake wa nyumbani Vicaraga Road ikiwa katika michezo yao 26 ya Ligi wameshinda michezo nane pekee, sare 6 na wamepoteza 12.
Watford wakiwa katika uwanja wao wa nyumbani usiku wa February 5 2018 waliwakaribisha Chelsea kucheza mchezo wao wa 26 wa EPL, Chelsea ambao wengi walikuwa wanawapa nafasi ya kutoka na matokeo katika mchezo huo walijikuta wakichukua kipigo cha magoli 4-1.
Chelsea hadi kufikia dakika 81 walikuwa nyuma kwa goli 1-0 lakini Eden Hazard alipoisawazishia Chelsea dakika ya 82 ndio alikuwa kama kachokoza moto wa Watford na kujikuta Chelsea ikiruhusu magoli matatu ndani ya dakika 7 kabla ya game kuisha.
Hadi dakika 90 zinamalizika Chelsea waliondoka vichwa chini kwa kufungwa jumla ya magoli 4-1, magoli ya Watford yalifungwa na Troy Deeney kwa penati dakika ya 42, Daryl Janmaat dakika ya 84, Gerard Deulofeu dakika ya 88 na Roberto Pereyra dakika ya 91.
VIDEO: John Bocco na Mzamiru Yassin walivyoifungia Simba leo vs Ruvu Shooting
