Nahodha wa timu ya taifa ya Argentina na Club ya FC Barcelona ya Hispania Lionel Messi ameonesha hisia zake na kuguswa na tukio la kupotea kwa ndege aliyokuwa anasafiria mchezaji wa kiargentina Emiliano Sala akitokea Nantes kuwaaga wachezaji wenzake wa zamani na kwenda kuanza maisha mapya katika club ya Cardiff City.
Baada ya Polisi wa Guesmey kufanya zoezi la utafutaji wa ndege hiyo ndogo aliyokuwa amepanda Emiliano Sala na rubani wake David Ibbotson, iliyopotea kwenye rada ikiwa katika Pwani ya Guesmey, kufuatia Polisi kutafuta ndege hiyo kwa saa kadhaa bila mafanikio baharini, nchi kavu na kutofanikiwa kupata chochote kinachoweza kuonesha viashiria walitangaza kusitisha kuendelea kuitafuta ndege hiyo jana January 24.
Lionel Messi leo ameamua kuwaomba mamlaka husika kuwa wasisitishe zoezi la kumtafuta Emiliano Sala na badala yake wanatakiwa kuendelea kumtafuta, kutumia insta story yake Lionel Messi ameandika kuwa kutokana na kuwa na matumaini ya kumpata mchezaji basi anaomba mamlaka zingeendelea na zoezi la kumtafuta Sala.
“Maadam kuwa uwezekano wa kumpata na viashiria vya matumaini, niwaombe muendele kumtafuta Emiliano, nawaomba wawe imara na uvumilivu kwa ndugu na marafiki #TumuombeSala”>>Lionel Messi
VIDEO: Mwalimu Kashasha kuhusu pasi ya Ajibu kwa Fei Toto “Locomotive faint”
