Kwa wale watu wa nguvu wanaopenda Hekaheka tayari iko hapa kama ilivyo kawaida ya millardayo.com.
Hekaheka ya leo Desemba 08 imetokea Mikocheni Dar ambapo mama mmoja alikuwa anafanya shughuli ya kipaimara cha mtoto wake lakini majirani pamoja na wapangaji wenzake hawakujitokeza kushirikiana na mama huyo katika shughuli hiyo.
Baadhi ya watu ambao walitoka nyumba za pembeni kushiriki na mama huyo wamesema kuwa mama huyo hana matatizo na mtu yoyote hivyo hata wao walishangazwa na kitendo cha majirani zake kumsusia.
Moja ya watu ambao wamemsaidia mama huyo ikiwemo kupamba eneo la sherehe hiyo amesema kuwa tatizo lililopo ni kitendo cha mwenye nyumba kuwagawanya wapangaji hao, wapo ambao wanapatana na mwenye nyumba na wapo ambao hawapatani naye ndiyo kitu kilichopelekea mpasuko huo.
Moja ya vitu ambavyo viliwashangaza wengi ni kitendo cha wapangaji wenzake na majirani kuweka sauti za juu za redio zao wakipiga nyimbo za taarabu wakati kwenye sherehe hiyo kulikuwa kukipigwa nyimbo za dini.
Nimekuwekea hapa unaweza kubonyeza play kuisikiliza Hekaheka hiyo.
Hakika utapata kila stori inayonifikia mtu wangu, niko tayari kukutumia wakati wowote kupitia twitter instagram na facebook ukijiunga na mimi kwa kubonyeza >>>twitter Insta Facebook
