Kiungo Mshambuliaji wa Simba SC Raia wa Burundi Saido Ntibazonkiza huu umeendelea kuwa mwaka wa mafanikio na tuzo kwake.
Ikiwa ni siku moja imepita toka Saido ashinde tuzo nne za msimu wa Ligi Kuu Tanzania Bara 2022/23(Kikosi bora, Kiungo bora, Mfungaji bora na Fair Play) leo ametangazwa Mshindi wa Tuzo ya Mchezaji bora wa mwezi May wa Simba SC.
Saido amekabidhiwa Tuzo hiyo ya Emirate Aluminiu Profile sambamba na zawadi ya Tsh milioni 2 baada ya kuwashinda Wachezaji wenzake Henock Inonga na Shomary Kapombe.
Hii ni mara ya pili Saido kushinda Tuzo hii ya Emirate Aluminium ikiwa ana miezi sita tu toka ajiunge na Simba SC January 2023 akitokea Geita Gold.
