Golikipa namba moja wa club ya Chelsea raia wa Ubelgiji Thibaut Courtois ameripotiwa kutaja sababu inayoweza kumfanya aondoke Chelsea na kurudi Hispania kucheza soka.
Mtandao wa dailymail.co.uk umeripoti kuwa Chelsea wanahofu kuwa golikipa wao Thibaut Courtois anaweza hasiendelee kuichezea timu hiyo mkataba wake utakapomalizika kwa sababu ya kutaka kwenda kuishi Hispania na familia yake.
Thibaut Courtois hadi sasa mkataba wake na Chelsea umesalia miezi 18 lakini wiki iliyopita imegundulika kuwa mazungumzo ya kuongeza mkataba mpya yameanza kupata kizuizi kwa sababu za kifamilia kwa upande wa Thibaut Courtois licha ya kipa huyo kuahidiwa mshahara wa pound 200,000 kwa wiki yaani mara mbili ya mshahara wake wa sasa.
Dalili zinaonesha kuwa Thibaut Courtois anaweza akaondoka Chelsea na kwenda kucheza soka nchini Hispania, kama ufahamu Thibaut Courtois ana watoto wawili wanaoishi jiji la Madrid Hispania hivyo anatajwa kuwa na mpango wa kurudi Hispania kuishi na watoto wake.
VIDEO: Atayofanya Mo Dewji kwa Simba ndani ya mwaka mmoja
