Zaidi ya miezi sita tangu wanamgambo wa Hamas kushambulia Israel na kuwakamata mateka zaidi ya 250, bado haijafahamika ni mateka wangapi ambao bado wako hai huko Gaza, kwa mujibu wa maafisa wa Marekani na Israel.
Kutokuwa na uhakika huo kumesababisha uchungu miongoni mwa familia za wale wanaoshikiliwa huko Gaza na kudhoofisha juhudi za kimataifa za kujadili makubaliano ya kusitisha mapigano na kuachiliwa kwa angalau baadhi ya mateka, maafisa waliambia NBC News.
Mfumo unaopendekezwa wa kusitisha mapigano unatoa wito kwa Hamas kuwaachilia mateka 40 ambao ni wanawake, watoto au wagonjwa na wanaume wazee, na kwa kujibu, Israel itawaachilia huru mamia ya wafungwa wa Kipalestina.
Lakini Hamas hadi sasa haijaweza kuthibitisha kuwa imewatambua mateka 40 wanaokidhi vigezo hivyo, na hilo limezuia mazungumzo hayo, maafisa wa Marekani, Israel na Magharibi walisema.
Alipoulizwa kama kulikuwa na makadirio thabiti ya ni mateka wangapi waliosalia hai, ofisa mkuu wa zamani wa Israeli alisema: “Hapana. Hakuna mtu anayeaminika aliye na habari hii. Yote ni uvumi.”
Maafisa wa Marekani walishutumu Hamas kwa kutoa matakwa ambayo inafahamu kuwa hayawezi kupatikana.
“Kukataa kwa Hamas kukubali makubaliano ya kusitisha mapigano kunaonyesha kutojali kwao maisha ya watu wa Palestina,” afisa mkuu wa utawala wa Biden alisema Jumatano.
“Walianza vita hivi na wanaonekana kuwa sawa kabisa na mzozo huu ukiendelea.”
