Takriban Wapalestina 37,598 wameuawa katika hujuma inayoendelea ya Israel kwenye Ukanda wa Gaza tangu Oktoba mwaka jana, ilisema Wizara ya Afya katika eneo lililozingirwa.
Taarifa ya wizara hiyo iliongeza kuwa watu 86,032 pia wamejeruhiwa katika shambulio hilo.
“Mashambulizi ya Israel yaliua watu 47 na kuwajeruhi wengine 121 katika saa 24 zilizopita,” taarifa hiyo ilisema.
Siku ya Jumatatu, shirika la Save the Children lenye makao yake nchini Uingereza lilitoa wito wa kufanyika uchunguzi kuhusu watoto waliotoweka wa Gaza, likisisitiza kwamba watoto 21,000 wanakadiriwa kupotea, kutoweka, kuzuiliwa, kuzikwa chini ya vifusi au katika makaburi ya halaiki kutokana na operesheni ya Israel huko Gaza.
Ripoti ya Save the Children ndiyo taarifa ya hivi punde zaidi ya mashirika yasiyo ya kiserikali na mashirika ya kimataifa inayoangazia uhalifu unaofanywa dhidi ya watoto hao huko Gaza.
