Idadi ya waliouawa huko Gaza inaongezeka kwa 300 kwa siku,hii ni kulingana na wizara ya afya.
Wizara ya afya inayoongozwa na Hamas inasema idadi ya watu waliouawa Gaza tangu kuanza kwa vita imeongezeka hadi 10,328.
Hilo ni ongezeko la zaidi ya 300 kati ya vifo 10,022 iliyoripoti jana.
Kati ya hao, 4,237 ni watoto, wizara ilisema.
Takwimu za hivi punde zaidi za UNRWA zinaonyesha zaidi ya watu 700,000 wamekimbia makazi yao huko Gaza tangu tarehe 7 Oktoba, wakati wapiganaji wa Hamas walipofanya mashambulizi makubwa ndani ya Israel, na kusababisha mashambulizi makali ya kulipiza kisasi.
Dk Medhat Abass, mkurugenzi mkuu wa wizara ya afya ya Gaza inayoongozwa na Hamas, ametuma ujumbe wa Sky News kutoka ndani ya eneo hilo, ambapo anasema hali inazidi kuwa mbaya.
“Hali katika hospitali zetu ni mbaya, wenzangu wanateseka kupita kiasi,” anasema.
“Wagonjwa wanatupwa chini na nadhani ikiwa vita itaendelea hivi hali itakuwa mbaya zaidi na watoto zaidi watakufa, hii ndio kitu pekee ninachojua.
