Instagram ilisema inapanga kujaribu kipengele kipya katika juhudi za kuzuia unyanyasaji wa ngono kwenye jukwaa lake.
Kipengele cha “kinga ya utupu”, ambacho kina vipengele kadhaa, kimeundwa ili kusaidia kuzuia watumiaji kupokea picha za ngono zisizohitajika na kuhimiza “watu kufikiri mara mbili kabla ya kutuma picha za utupu,” kulingana na chapisho la blogu lililochapishwa Alhamisi.
Kipengele, ambacho kitawashwa kiotomatiki kwa watumiaji walio na umri wa chini ya miaka 18, kitatia ukungu kwenye picha ambazo zitatambuliwa kuwa na utupu pia kutakuwa na onyo linalosomeka, Picha inaweza kuwa na utupu “Photo may contain nudity.”
Kwa kuongezea, jukwaa lilisema litatuma ujumbe kwa watumiaji “kuwakumbusha kuwa waangalifu wakati wa kutuma picha nyeti, na kwamba wanaweza kutuma picha hizi ikiwa wamebadilisha mawazo yao na kuona huenda ni sahihi .” Pia zitaelekezwa kwa Kituo cha Usalama cha Meta na njia za usaidizi.
Ulafi wa kingono, au unyanyasaji wa ngono, unahusisha kumshawishi mtu kutuma picha chafu mtandaoni na kisha kutishia kuziweka hadharani picha hizo isipokuwa mwathiriwa alipe pesa au kujihusisha na ngono.
Instagram na kampuni zingine za mitandao ya kijamii zimekabiliwa na ukosoaji mkubwa kwa kutofanya vya kutosha kulinda vijana mitandaoni.
Mark Zuckerberg, Mkurugenzi Mtendaji wa mmiliki wa Instagram Meta Platforms, aliomba msamaha kwa wazazi wa waathiriwa wa unyanyasaji kama huo wakati wa kikao cha Seneti mapema mwaka huu.
