Ulifanikiwa kununua hata iPhone 13 kweli? kama bado basi unaweza kuuchuna kwanza ucheki iPhone 14 itakuja na vitu gani, hii ni baada ya September 7 2022 kutangazwa kuwa ndio siku ya kuzionesha simu mpya kutoka Kampuni ya Apple ambapo inatarajiwa kuionesha iPhone 14.
Hii ni moja ya habari kubwa za wiki hii ambapo uvumi ulioenea ulieleza kuwa Kampuni hiyo itazindua iPhone 14 ambayo itakua kubwa zaidi na kwamba itatupilia mbali muonekano wa camera yake ya mbele na kuja na camera mpya ya simu iliyoboreshwa zaidi, ulieleza uvumi huo.
Apple pia huenda ikatangaza tarehe ya kutolewa kwa mfumo wake mpya wa uendeshaji wa simu wa iOS 16 ambapo Katika mkutano wake wa kila mwaka wa Wataalamu wa programu June 2022, Apple ilifichua kuwa na mabadiliko kadhaa kwenye iOS 16 ikiwa ni pamoja na lockscreen mpya iliyoboreshwa na uwezo wa kuhariri au uwezo wa kurudisha message ambazo zilishatumwa kwenye iMessage.
