Umoja wa Mataifa ulisema asilimia 85 ya majaribio yake ya kuratibu misafara ya misaada na ziara za kibinadamu kaskazini mwa Gaza yalikataliwa au kuzuiwa na mamlaka ya Israel mwezi uliopita.
Ofisi ya Umoja wa Mataifa ya Kuratibu Masuala ya Kibinadamu (OCHA) imesema kuwa imewasilisha maombi 98 kwa mamlaka ya Israel ya kutaka kibali cha kuvuka kituo cha ukaguzi kwenye Bonde la Gaza, lakini ni maombi 15 pekee ndiyo yaliyokubaliwa, kwa mujibu wa msemaji wa Umoja wa Mataifa Stephane Dujarric.
Dujarric alisema OCHA “ina wasiwasi kuhusu hatima ya Wapalestina waliosalia kaskazini mwa Gaza wakati kizuizi kikiendelea na anatoa wito kwa haraka kwa Israel kufungua eneo hilo kwa operesheni za kibinadamu kwa kiwango kinachohitajika kutokana na mahitaji makubwa”.
Alisema “katika muda wa siku tatu zilizopita, timu kutoka OCHA, mashirika ya Umoja wa Mataifa ya haki za binadamu, mashirika ya kufyatua mabomu na mashirika mengine ya kibinadamu yametembelea maeneo tisa katika mji wa Gaza ili kutathmini mahitaji ya mamia ya familia zilizokimbia makazi, ambazo nyingi zinarejea kaskazini mwa Gaza. “.
