Israel inatazamiwa kukabiliwa na tuhuma za mauaji ya halaiki katika Mahakama ya Kimataifa ya Haki leo amba potayari imeanza kusikilizwa hivi sasa.
Siku mbili za kusikilizwa kwa kesi zitaanza baada ya Afrika Kusini kuwasilisha kesi huko Hague mwezi Disemba ikidai vita vya Gaza vinakiuka Mkataba wa Mauaji ya Kimbari ya 1948.
Msemaji wa serikali ya Israel Eylon Levy alisema Israel itafikishwa mbele ya mahakama hiyo “kuondoa kashfa za kipuuzi za umwagaji damu za Afrika Kusini, kwani Pretoria inatoa bima ya kisiasa na kisheria kwa utawala wabakaji wa Hamas”.
Vikao hivyo vitashughulikia kikamilifu ombi la Afrika Kusini la kutoa amri ya dharura kwa Israel kusitisha hatua za kijeshi huko Gaza.
Colombia na Brazil zilionyesha uungaji mkono wao kwa Afrika Kusini jana usiku, wakati Marekani ilikataa madai ya mauaji ya kimbari.
“Madai kwamba Israel inafanya mauaji ya halaiki hayana msingi,” msemaji wa idara ya serikali Matt Miller alisema.
“Kwa hakika, ni wale wanaoishambulia Israel kwa nguvu ambao wanaendelea kutoa wito wa wazi wa kuangamizwa kwa Israeli na mauaji ya halaiki ya Wayahudi.”
Aliendelea kuitaka Israel ifanye zaidi kuwalinda raia wa Palestina.
