Mwenyekiti wa CUF, Profesa Ibrahim Lipumba amemtangaza Katibu Mkuu mpya wa chama hicho, Khalifa Suleiman Khalifa ambaye anachukua nafasi ya Maalim Seif Shariff huku Magdalena Sakaya akiwa Naibu Katibu Mkuu Bara.
Profesa Lipumba ambaye alikuwa katika mvutano wa kiuongozi na Maalim Seif mahakamani ametangaza matokeo hayo katika Ofisi za Chama hicho zilizopo Buguruni baada ya Wajumbe wa Baraza Kuu kupiga kura.
Profesa Lipumba amesema “Kwa kuzingatia mabadiliko ya chama Baraza Kuu ndio linateuwa kwa kuzingatia mapendekezo ya Mwenyekiti na Makamu wa Mwenyeiti ambapo nilipendekeza majina mawili na Baraza Kuu ndio likapiga kura na kuwachagua viongozi hao,“.
