Rapa Jay Z usiku wa jana aliingia kwenye historia ya mchezo wa masumbwi akiwa na kampuni yake inayosimamia masuala ya michezo ya Roc Nation Sports wakati alipofanya kazi kama promota wa masumbwi kwa mara ya kwanza.
Akiwa kwenye dili yake ya kwanza, Promota Jay alisindikizwa na watu wake wa karibu akiwemo mkewe Beyonce na star kwenye lebo yake Rihanna.
Pambano lililoweka historia ya kusimamiwa na Jay Z kwa mara ya kwanza lilikuwa kati ya Dusty Hernandez-Harisson bondia mwenye rekodi ya kutoshindwa pambano lolote, akipambana na Tommy Rainone, unaambiwa hili ni la kwanza kati ya mapambano mengine nane yatayokuwa chini ya usimamizi wa Roc Nation Sports.
Jay Z takribani miezi 18 iliyopita aliingia rasmi kwenye michezo ambapo aliwasainisha nyota kadhaa wa michezo mbalimbali ambao anawasimamia kama wakala kupitia Roc Nation Sports wakiwemo akina Geno Smith, Kevin Durant na Victor Cruz.
Hautopitwa na stori yoyote inayonifikia mtu wangu, niko tayari kukutumia wakati wowote kupitia twitter instagram na facebook ukijiunga na mimi kwa kubonyeza >>>twitter Insta Facebook
