Rais wa Marekani Joe Biden amesema “amesikitishwa” kwamba mwenzake wa China Xi Jinping anapanga kutohudhuria mkutano ujao wa G20 nchini India.
“Nimesikitishwa… lakini nitaenda kumuona,” Bw Biden aliwaambia wanahabari Jumapili, lakini hakusema ni lini mkutano huo unaweza kufanyika.
Beijing ilisema Jumatatu kwamba waziri mkuu wake Li Qiang ataongoza ujumbe wa China kwenye mkutano wa kilele huko Delhi wiki hii.
Bw Xi na Bw Biden walikutana mara ya mwisho katika mkutano wa G20 nchini Indonesia mwaka jana.
Uhusiano kati ya Marekani na China bado ni wa wasiwasi licha ya kuwepo kwa ziara nyingi za kidiplomasia kutoka Washington mwaka huu ili kufufua mazungumzo.
Wizara ya mambo ya nje ya China haikuthibitisha wala kukanusha kuhudhuria kwa Bw Xi katika mkutano wa kilele wa Delhi ilipoulizwa kwa uwazi katika mkutano na waandishi wa habari Jumatatu.
“Li Qiang ataongoza ujumbe wa China kuhudhuria mkutano wa G20. Ni kongamano kubwa na muhimu la uchumi wa dunia. China siku zote imekuwa ikilipa umuhimu na kushiriki kikamilifu matukio yanayohusiana,” msemaji wa wizara ya mambo ya nje alisema.
Lakini ripoti za habari, zikinukuu vyanzo visivyojulikana vinavyofahamu suala hilo, zilisema wiki iliyopita kwamba Bw Xi hana mpango wa kuhudhuria.
Habari hizo zinakuja huku kukiwa na uhusiano mbaya kati ya China na India. Miongoni mwa mambo mengine, nchi hizo mbili zinakabiliwa dhidi ya kila mmoja kwenye mpaka wao wenye mgogoro katika eneo la Himalayan. 0
