Baada ya uvumi wa muda mrefu sasa kila shabiki wa soka la Uingereza hususani wa klabu ya Man United anatamani msimu umalizike ili zile stori zinazoandikwa sana na kuongelewa katika vyombo vya habari zipatiwe majibu yake. Kwa zaidi ya wiki tano sasa klabu ya Man United inahusishwa kutaka kumtimua kazi kocha wake Louis van Gaal na kumpa nafasi hiyo Jose Mourinho.
Bado stori za Mourinho kujiunga na Man United zinazidi kuandikwa na kuzungumzwa kila kukicha, ila Mourinho anahusishwa kuwa atajiunga na Man United baada ya msimu wa Ligi Kuu Uingereza kumalizika, kitu ambacho kinafanya mashabiki wa soka wawe na shauku ya kutamani Ligi iishe ili mwisho wa msimu wajue stori hizo ni kweli au tetesi?
February 18 101greatgoals.com wameandika stori za Jose Mourinho kuwa na mipango ya kuwasajili mastaa hawa ili waungane nae ndani ya klabu ya Man United mwishoni mwa msimu wa 2015/2016. Majina yanayotajwa kufuatiliwa na Jose Mourinho ni pamoja na kiungo wa AS Roma Radja Nainggolan na mshambuliaji wa Sweden na klabu ya PSG Zlatan Ibrahimovic. Hivyo bado tetesi za ukweli wa Mourinho kujiunga na Man United zitajulikana mwisho wa msimu.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO‘ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyeza hapa >>> INSTAGRAM TWITTER FBYOUTUBE
