Club ya Liverpool ya England imeripotiwa kuwa kuna uwezekano ikapata pigo jingine mwishoni mwa msimu baada ya mtandao ya express.co.uk kuripoti kuwa staa wao Mohamed Salah raia wa Misri atashinikiza uhamisho wake kutoka club hiyo kujiunga na Real Madrid ya Hispania.
Salah ambaye alisajiliwa na Liverpool 2017 akitokea AS Roma ya Italia ameripotiwa kuwa chaguo la kwanza kwa Real Madrid katika usajili la majira ya joto, kitu ambacho kinadaiwa kumvutia Salah kwenda kucheza Real Madrid licha ya kuwa haijathibitika moja kwa moja.
Bado stori hizo za Salah zinazidi kuleta utata baada ya mtandao wa Hispania Don Balon kuripoti kuwa Philippe Coutinho wa Barcelona amemwambia Lionel Messi kuwa Salah atalazimisha kuondoka Liverpool mwisho wa msimu, Salah na Coutinho walicheza pamoja Liverpool kabla ya Coutinho kuhama timu hiyo mwaka huu mwezi January.
Hivi ndio Simba walivyotoka sare ya 2-2 dhidi ya Al Masry
