Kocha huyo wa Liverpool anasisitiza kuwa nyota huyo wa Misri amejitolea kuitumikia Reds na hauzwi kwa hali yoyote msimu huu wa joto.
“Ni vigumu kuzungumzia habari za vyombo vya habari kwa kuwa hakuna la kuzungumza kutoka kwa mtazamo wetu,” Klopp alisema katika mkutano wake na waandishi wa habari kabla ya mechi asubuhi hii kabla ya mpambano wao wa Ligi Kuu dhidi ya Newcastle.
“Mo Salah ni mchezaji wa Liverpool. Hakuna kitu hapo. Kama kungekuwa na kitu jibu lingekuwa hapana [hauzwi].
“Falsafa ya maisha yangu ni kuwaza kuhusu tatizo ninapokuwa nalo. Kwa sasa, hakuna kitu.
“Nilishasema kama kuna kitu jibu litakuwa hapana. Je Mo bado anajituma? Asilimia mia moja!”
Kuhusu pesa za Saudia kwenye soka, Klopp aliongeza: “Siyo jambo zuri kwetu, hilo liko wazi.
“Ikiwa tunataka mchezaji kutoka Wigan, sema, tunaenda huko na tunalipa bei sawa katika Bundesliga nk. “Kinachofanya tushindwe kushughulikia ni dirisha letu la usajili kufungwa na wanabaki wazi kisha tunacheza hadi Januari 1 na hiki ndicho kikosi chetu, tuna tatizo hilo.
“Nina uhakika FIFA wanaweza [kubadilisha tarehe yao ya mwisho] lakini sina uhakika wanataka kufanya hivyo.”
