Tito Jackson, mmoja wa ndugu waliounda kundi pendwa la pop la Jackson 5, amefariki akiwa na umri wa miaka 70.
Tito alikuwa mtoto wa tatu kati ya watoto tisa wa Jackson, ambao ni pamoja na magwiji maarufu duniani Michael na dada Janet, sehemu ya familia inayotengeneza muziki ambao nyimbo zao bado zinapendwa hadi leo.
“Ni kwa mioyo mizito kwamba tunatangaza kwamba baba yetu mpendwa, Rock & Roll Hall of Famer Tito Jackson, hayupo nasi tena.
Tumeshtuka, tumehuzunishwa na kuvunjika moyo. Baba yetu alikuwa mtu wa ajabu ambaye alijali kila mtu na ustawi wao,” wanawe TJ, Taj na Taryll walisema katika taarifa iliyochapishwa kwenye Instagram Jumapili jioni.
Jackson 5 walijumuisha kaka Jackie, Tito, Jermaine, Marlon na Michael. Kikundi cha familia, ambacho kiliingizwa kwenye Ukumbi wa Umaarufu wa Rock & Roll mwaka wa 1997, kilitoa vibao kadhaa No. 1 katika miaka ya 1970 vikiwemo “ABC,” “I Want You Back” na “I’ll Be There.”
Kwa mchango wake katika muziki, Tito Jackson alipendekezwa kushinda tuzo za Grammy mara tatu na alitambulishwa katika Rock and Roll Hall of Fame mwaka 1997 kama mwanachama wa Jackson 5.
Licha ya mafanikio makubwa ya Jackson 5, umaarufu wa kundi hilo ulifunikwa na mafanikio makubwa ya solo ya Michael Jackson, ambaye alifanikiwa kuwa mmoja wa Wasanii wakubwa na maarufu wa karne kabla ya kifo chake mwaka 2009 akiwa na umri wa miaka 50.
Siku chache kabla ya kifo chake,Tito Jackson alichapisha ujumbe kwenye ukurasa wake wa Facebook kutoka Munich, Ujerumani, Septemba 11, ambapo alitembelea kaburi la Michael Jackson pamoja na kaka zake.
