Ipswich na Fulham wameingia kwenye kinyang’anyiro cha kumnasa Kalvin Phillips,Everton pia wanavutiwa na kiungo huyo wa kati wa Uingereza ambaye ni wa ziada kwa mahitaji ya Manchester City.
Ingawa Phillips pia ana mashabiki wake nje ya nchi, mchezaji huyo wa zamani wa Leeds angependelea kubaki Uingereza na alichagua kujiunga na West Ham badala ya Juventus mwezi Januari.
Phillips amekuwa akilengwa na Everton msimu wote wa joto na, Amadou Onana akijiunga na Aston Villa kwa pauni milioni 50, meneja Sean Dyche anaweza kuhitaji kiungo mkabaji.
Fulham wanatafuta mbadala wa Joao Palhinha, ambaye amenunuliwa na Bayern Munich, huku Ipswich wakihaha kuimarisha kikosi chao baada ya kurejea ligi kuu.
Phillips ameanza mechi mbili pekee za Ligi Kuu ya Uingereza, na mechi sita pekee kwa jumla, akiwa na City tangu uhamisho wake wa pauni milioni 42.5 kutoka Leeds mwaka 2022 na alikuwa mchezaji wa akiba ambaye hajawahi kutumika kwenye Ngao ya Jamii wakati meneja Pep Guardiola alipopendelea kumpa kinda Nico O’Reilly. mechi ya kwanza katika safu ya kiungo.
