Rais wa Jamhuri ya Muungano wa Tanzania, Dkt. Samia Suluhu Hassan jana ametengua uteuzi wa Katibu Mkuu Wizara ya Maji, Mhandisi Nadhifa Sadiki Kemikimba.
Baada ya uteuzi huo, mitandaoni imesambaa hii video inayodaiawa ni tukio la mapema Mwezi huu ikimuonesha Mhandisi Kemikimba akitupa kimemo ambacho alipewa mbele ya Boss wake Waziri wa Maji Jumaa Aweso kisha kuoneshwa kukasirishwa na kukatisha hotuba yake ya kumkaribisha Waziri wakati wa tukio lililoandaliwa na DAWASA.
Baadaye Waziri Aweso alimuomba radhi Kemikimba kwa niaba ya Watumishi wa DAWASA, bado haijajulikana moja kwa moja kama hiyo ndio sababu ya uteuzi wake kutenguliwa.
