Usiku wa October 23 2018 zilichezwa game za muendelezo za michuano ya UEFA Champions League msimu wa 2018/19, moja kati ya game zilizochezwa usiku huo ni game ya Man United dhidi ya Juventus ya Italia katika uwanja wa Old Trafford.
Game ilimalizika kwa Man United kupoteza kwa goli 1-0, goli la Juventus likifungwa na Paul Dybala dakika ya 18, hivyo baada ya game Cuadrado alionekana katika picha ya pamoja na kiungo wa Man United Paul Pogba akiwa ameshikilia mfuko wa zawadi wenye nembo za Juventus.
Baada ya picha hiyo ya Pogba na Cuadrado kusambaa mtandaoni huku Pogba akionekana kutabasamu baadhi ya watu wameanza kumkosoa Pogba, kwa kitendo chake cha kuonesha ana tabasamu wakati timu imepoteza mchezo muhimu.
Pogba na Juan Cuadrado walicheza pamoja Juventus msimu wa 2015/16 hivyo bado wameendelea kuonesha kuwa na mahusiano ya karibu, game hiyo Cuadrado alicheza kwa dakika 81 na kufanyiwa mabadiliko wakati Pogba alicheza kwa dakika zote 90.
“Tumeshinda ili kuweka tabasamu usoni kwa MO Dewji”-Kocha Simba SC
