Kufuatia kifo cha muigizaji Mohamedi Fungafunga maarufu kama Mzee Jengua, mchekeshaji Kingwendu amesema anaiomba Serikali iwaangalie wasanii ili wawe na madaktari wao wa kuwafanyia ‘check up’ ya mwili.
Kingwendu amesema suala hilo lingekuwa jema sana kwa wasanii ili wakiumwa wanajua kabisa ni ugonjwa gani ambao unamsumbua pia huepusha utata unaotokeaga kuhusu chanzo cha ugonjwa uliopelekea kifo cha msanii.
“Fundisho kubwa kwa wasanii kama unaumwa usilazimishe kufanya kazi jaribu kufuatilia vipimo hospitalini ili kuangalia afya zetu, pia tungejaribu kuongea na Serikali ituangalie na tuwe na madaktari wetu wa kutufanyia ‘check up’ ili mtu anapoumwa ijulikane anaumwa nini” Kingwendu
