Kiungo wa zamani wa Uhispania na Barcelona Andres Iniesta amejiunga na Klabu ya Emirates, ligi ya UAE Pro ilitangaza Jumanne.
“Karibu Iniesta”, klabu ya Emirates ilichapisha kwenye mitandao ya kijamii.
Klabu hiyo yenye makao yake mjini Ras Al-Khaimah, ilichapisha picha ya Iniesta akiwa amevalia shati lao na kusema masharti ya mkataba yatatangazwa katika mkutano na waandishi wa habari siku ya Jumatano.
Mchezaji huyo mwenye umri wa miaka 39 aliondoka katika klabu ya Vissel Kobe ya Japan mwezi uliopita baada ya miaka mitano.
Iniesta alishinda mataji tisa ya La Liga akiwa na Barcelona na mataji manne ya Ligi ya Mabingwa.
Akiwa na Uhispania, alishinda Kombe la Dunia la 2010 na mataji mfululizo ya Euro mnamo 2008 na 2012.
Baada ya kuondoka Barcelona mwaka wa 2018, alijiunga na Vissel Kobe na kuiongoza klabu hiyo kutwaa taji lake la kwanza mwaka uliofuata, na kushinda Kombe la Emperor, na pia kufika nusu fainali ya Ligi ya Mabingwa ya AFC katika mechi yake ya kwanza katika mashindano ya bara.
