Ni Octoba 26 2023 ambapo Kocha wa Klabu ya Young Africans, Miguel Gamondi amekutana na vyombo vya habari kueleza mchezo wao dhidi ya Singida Fountain gate utakaochezwa katika uwanja wa Benjamini Mkapa jijini Dar es Salaam.
‘Kwa kipekee kabisa napenda kuwashukuru Mashabiki wetu kwa kutushangilia kwa nguvu na kutusaidia kupata ushindi dhidi ya Azam kwa kutokea nyuma na nina imani kesho watajitokeza kwa wingi kwenye mchezo wetu dhidi ya Singida”– Miguel Gamondi
“Hautakuwa mchezo rahisi kwasababu kuna vitu vingi vimebadilika kwa mpinzani wetu Singida, wana benchi la ufundi jipya na lenye maarifa tofauti. Tutacheza kwa kujituma na kwa tahadhari kwasababu tunahitaji ushindi kwenye kila mchezo”-Miguel Gamondi
“Kesho tunakwenda kwenye mchezo mwingine mgumu dhidi ya Singida lakini malengo yetu ni kuhakikisha tunashinda kila mchezo na kuwapa burudani Mashabiki wetu wanaokuja kutupa nguvu kipindi chote cha mechi zetu tukiwa Uwanjani”– Miguel Gamondi
