Mwili wa aliyewahi kuwa DJ wa CloudsFM Steven Mdoe maarufu kama DJ Steve B ambaye amefariki dunia jana katika Hospitali ya Mloganzila Dar es salaam unatarajiwa kuzikwa August 03,2023 Jijini Dar es salaam.
Amstrong Mdoe ambaye ni Kaka wa Marehemu ameiambia @AyoTV_ kuwa kuhusu makaburi bado wanamalizia kujadiliana kwani wapo ambao wanashauri azikwe Kinondoni na wengine wanashauri azikwe maeneo ya Kibamba.
Pia amesema kabla ya umauti wake Steve B aliamua kumrudia Mungu na kuokoka na akawa mstari wa mbele kuwashawishi wengine kuokoka pia.
Steve B ambaye alikuwa akisumbuliwa na figo toka mwaka 2019 alipelekwa Hospitali juzi na kuwekwa ICU baada ya presha kupanda na baadaye kupanda zaidi na kumsababishia kupoteza fahamu.
