Waziri wa Utamaduni, Sanaa na Michezo Dr. Pindi Chana amewasimamisha kazi Wafanyakazi saba (7) wa Uwanja wa Taifa Dar es salaam kutokana na Majenereta ya Uwanja wa Taifa kushindwa kufanya kazi katikati ya mechi ya Yanga vs Rivers United ya Nigeria na taa kuzimika jana usiku na kufanya mechi isimame kwa zaidi ya dakika 15.
Waliosimamishwa kazi ni Salum Mtumbuka ambaye ni Kaimu Meneja wa Uwanja wa Benjamin Mkapa, Manyori Juma Kapesa ambaye ni Mhandisi wa Umeme wa Uwanja wa Benjamin Mkapa, Tuswege Nikupala ambaye nj Afisa Tawala Uwanja wa Benjamin Mkapa.
Katibu Mkuu wa Wizara hii Said Yakubu akitekeleza agizo la Dr. Pindi, pia amewasimamisha kazi kupisha uchunguzi Watumishi wengine wanne ambao pia wana majukumu ya uendeshaji wa uwanja ambao ni Gordon Nsajigwa Mwangamilo, Gabriel Mwasele, Yanuaria Imboru na Dkt. Christina Luambano.
