Bado presha kwa kocha wa sasa wa Man United Louis van Gaal inazidi kuongezeka baada ya kurudi tena katika headlines za magazeti ya Uingereza ambayo kwa kiasi kikubwa huwa yanaandika vitu ambavyo wamevifanyia uchunguzi. Louis van Gaal amerudi front page ya gazeti la Mirror kuwa safari ya kuondoka Man United ipo karibu.
Stori kutoka Mirror zinapata nguvu kutokana na gazeti hilo kuziita exclusive kitu ambacho kinatajwa kuwa huenda wamevujishiwa stori kutoka ndani ya Man United, stori kutoka Mirror pia zinaeleza baada ya Louis van Gaal kuwa na msimu mbaya ndani ya Man United alimuomba mara mbili CEO wa Man United Ed Woodward avunje mkataba miezi kadhaa nyuma baada ya kufungwa na Norwich na Stoke City.
Licha ya kupata ushindi dhidi ya Liverpool lakini marafiki wa Louis van Gaal wanaamini kuwa Louis van Gaal atavunja mkataba na Man United mwishoni mwa msimu huu. Louis van Gaal ana mkataba wa miaka mitatu na Man United lakini huenda akabwaga manyanga na kumuachia mikoba Ryan Giggs ambaye ni kocha msaidizi. Kwa sasa kocha anayepewa nafasi kubwa ya kuja kujiunga na Man United ni kocha aliyefukuzwa na Chelsea Jose Mourinho.
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO’ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE wa kubonyezahapa>>>INSTAGRAM TWITTER FB YOUTUBE.
