Utumiaji wa mabasi yaendayo kasi unatarajia kuanza mwishoni mwa mwaka huu, na mpaka sasa maandalizi kwa ajili ya kuanza kwa usafiri huo yamekamilika.
Jumla ya mabasi yaliyofika mpaka sasa kutoka kampuni ya UDA ni 140, mabasi 39 ni makubwa yenye uwezo wa kubeba watu 140, na mengine 101 ni madogo ambayo yanauwezo wa kubeba watu 80 kwa wakati mmoja.
Meneja miundombinu wa DART, Mohammed Kuganda amesema usafiri huo wa umma utaanza wakati wowote kuanzia sasa na wapo katika maandalizi ya mwisho kukabidhi kwa wahusika, pia amezungumzia mkanganyiko uliojitokeza kuhusu kukosewa kwa milango, kamera ndani ya mabasi hayo, nauli pamoja na utaratibu wa ukataji wa tiketi.
Mkanganyiko wa milango ya Mabasi hayo kudaiwa kukosewa milango “Kimsingi vituo vilivyojengwa vipo katikati ya mabasi kwa maana yanayokwenda na kurudi yatatumia kituo kimoja..lazima milango iwe kwa juu sawa na urefu wa kituo chenyewe, mabasi yote yana milango upande wa kulia kwa sababu ya kufanya kazi kwenye hivyo vituo, mfumo huu utawasaidia hata wale walemavu kuweza kupanda wenyewe na kuna sehemu maalumu kwa ajili yao”…Mohammed Kuganda
“Tulipanga kutumia mabasi 84 kwa ajili ya kutoa huduma, lakini UDA wamekwenda mbele zaidi na kununua mabasi 140 ambayo yatatumika kwa ajili ya abiria katika kipindi hiki cha mpito..makadirio yetu mabasi yanatakiwa yawe zaidi ya 300″…
Amesema mfumo wote ukikamilika utakuwa na ruti saba Kimara- Kivukoni na sehemu nyingine..kati ya hizo saba zitakuwa za kawaida na mbili kati ya hizo zitakuwa zinasimama vituo maalum. pia ndani.
Kutakuwa na Camera ndani ya Mabasi- “Watu wakiingia ndani ya mabasi wawe na ustaarabu kwa sababu tumefunga kamera ndani na itakua inaona kila tukio, ukifanya tukio la ajabu kamera inaona na unaweza kukamatwa kituo kinachofuatwa kwa sababu mabasi yanafungulia kituo baada ya kituo”…
Nauli–“Nauli zimezingantia maisha ya watu wote, nauli hazijapanda licha ya magari haya kununuliwa kwa bei kubwa, mfano mtu anatolewa Mwenge kwenda Shikilango nauli haiwezi kuzidi shilingi 500..
Utaratibu wa kukata tiketi “Kutakuwa na milango ya kuingilia ambapo kila abiria atatakiwa kuwa na kadi ambayo atailipia mlangoni kabla ya kuingia ndani, kuna sehemu utagusa alafu utakatwa nauli, kama kadi ikiisha ela utaambiwa, abiria atakuwa na uwezo wa kujaza pesa kwenye kadi yake kadri atakavyoweza na itakuwa ni mali yake”.
Sauti ya Meneja miundombinu wa DART akizungumza ipo hapa..
Unataka kutumiwa MSG za habari zote kubwa kutoka kwa Millard Ayo? ukiwa na line ya tiGO andika ‘AYO‘ tuma kwenda 15510, msg utayotumiwa jibu OK ili uanze kupokea matukio yote kwa sms, pia ungana na Millard Ayo kwenye Twitter, FB, Instagram na YouTUBE kwa kubonyeza hapa >>> INSTAGRAM TWITTER FB YOUTUBE
