Manchester United wamefanya mazungumzo ya awali na Monaco kuhusu usajili wa kiungo Youssouf Fofana lakini klabu ya Fulham haitarajiwi kuwasilisha ofa tena kwa Scott McTominay.
United wamechunguza masharti ya mkataba wa mchezaji huyo mwenye umri wa miaka 25, ambaye ni mchezaji wa kimataifa wa Ufaransa na ameingia mwaka wa mwisho wa mkataba wake.
Fofana amekuwa Monaco tangu 2020 baada ya kusajiliwa kutoka Strasbourg na amecheza mara 175, akifunga mabao saba.
United inaangalia chaguo kadhaa za kiungo ikiwa ni pamoja na Richard Rios kutoka Palmeiras, Sander Berge wa Burnley, Martin Zubimendi wa Real Sociedad na Sofyan Amrabat wa Fiorentina, ambaye alikuwa kwa mkopo katika klabu hiyo msimu uliopita.
Nia inasalia kwa kiungo wa Paris Saint-Germain Manuel Ugarte lakini si kwa bei zilizonukuliwa.
United wanafahamu PSG wanataka kufanya biashara baada ya kumsajili Joao Neves kutoka Benfica kwa £50m.
