Kocha wa timu ya taifa ya Saudia Roberto Mancini alihalalisha sare walioipata na Indonesia ya 1-1 katika mechi ya kufuzu kwa Kombe la Dunia 2026 kutokana na mzozo wa wachezaji wa ndani katika ligi ya Saudia.
Kila klabu ya Saudia ina haki ya kusajili wachezaji 8 wa kigeni pamoja na wachezaji wengine wenye umri chini ya miaka 10, jambo lililosababisha kukosekana kwa wachezaji wa ndani kutoshiriki mfululizo wa mechi.
Mancini alisema baada ya kigugumizi dhidi ya Indonesia, “Wachezaji wa timu ya taifa ya Saudi lazima washiriki kama mhimili mkuu na vilabu vyao. Nina wachezaji 20 wanaokaa kwenye benchi kwenye mechi za ndani.”
Pia aliongeza, “Hakuna suluhu la mtanziko huu, na inabidi tu tuimarishe kazi pamoja nao.”
Alihitimisha, “Mechi ya kwanza katika mchujo siku zote huwa ngumu. Indonesia ni timu imara na ina wachezaji wazuri wanaocheza kwa kulipwa Ulaya.”
Timu ya taifa ya Saudi Arabia inajiandaa kumenyana na timu ya taifa ya China katika mji mkuu wa Beijing Jumanne ijayo, katika raundi ya pili ya mchujo wa kuwania kufuzu kwa Kombe la Dunia 2026.
